Универзитет у Новим Садзе ма розвите медзинародне сотруднїцство хторе ше снує на числених билатералних и мултилатералних спорозуменьох. Барз розведзена мрежа медзинародних партнерствох облапя вецей як 150 активних билатералних спорозуменьох о сотруднїцтве. Попри того, интензивна медзинародна мобилносц наставнїкох, студентох и занятих снує ше на розконареним сотруднїцтве зоз велїм универзитетами у иножемстве. Универзитет у Новим Садзе у Еразмус+ програми КА107, у периодзе партнерского статуса Републики Сербиї, мал прейґ 220 Еразмус+ помедзиинституционални спорозуменя. Зоз преходом жеми до програмского статуса, од 2019. року Универзитет заключел вельке число нових Еразмус+ институционални споразуменя.
Универзитет ношитель Еразмус повелї за високе образованє 2021-2027. хторе додзелює Европска комисия. Зоз тим Универзитет здобул право участвовац у дальшим финансованю хторе обезпечує Европска уния през розлични програми у обласци високого образованя. Еразмус повеля за високо образованє описує основни принципи хтори кажда вискошколска институция муши почитовац кед ше приявює за проєкти або витворює проєктни активносци у рамикох цалосней Еразмус+ програми Европскей комисиї. Циль Еразмус повелї дзвигнуц квалитет академскей мобилносци, универзитетских и факултетских сервисох, як и капацитети за управянє зоз медзинароднима проєктами, же би функционовала як механизем зоз хторим ше може мерац и унапредзовац робота високошколских институцийох у тим домену.
Универзитет член векшого числа медзинародних асоцияцийох, як цо: European University Association, Danube Rectors’ Conference, CEEPUS, Balkan University Network итд.
ПОДПИСАНА ЕРАЗМУС ПОВЕЛЯ 2021-2027. ДОДЗЕЛЄНА УНС-У
ЕРАЗМУС+ МОБИЛНОСЦ СТУДЕНТОХ И ЗАНЯТИХ
Универзитет у Новим Садзе
Др Зорана Дїндїча 1
21102 Нови Сад, Сербия
Виробок сайту на руским язику потримал Покраїнски секретарият за образованє, предписаня, управу и национални меншини ‑ национални заєднїци.