НАУКОВОВИГЛЄДОВАЦКА РОБОТА
Дїялносц Универзитета снує ше на єдинству образовней и наукововиглєдовацкей односно уметнїцковиглєдовацкей роботи и реализує ше на уровню Универзитета, факултета и института зоз цильом нєпреривного унапредзованя квалитети настави и усовершованю наукововиглєдовацкей и уметнїцковиглєдовацкей роботи на Универзитету.
Наукововиглєдовацка робота на Универзитету ше витворює през основни, применєни и розвойни виглєдованя у обласци природно-математичних, технїчно-технолоґийних, дружтвено-гуманистичних и медицинских наукох, док уметнїцковиглєдовацка робота облапя виглєдованє уметносци и уметнїцку роботу.
Наукововиглєдовацка и уметнїцковиглєдовацка робота на Универзитету, у хторей участвую наставнїки и науковци Универзитета, як и студенти академских дипломских и дохторских студийох, коньчи ше зоз цильом розвою науки, уметносци и творчосци, унапредзованя дїялносци високого образованя, односно унапредзованя квалитети настави, усовершованя наукового поростку, запровадзаня студентох до наукововиглєдовацкей и уметнїцковиглєдовацкей роботи и твореня материялних условийох за роботу и розвой Универзитета през пририхтованє, реализацию и адекватни пласман резултатох науково-виглєдовацких проєктох, пре посцигнуце транспарентносци и єй видлївосци на националним и медзинародним уровню, як и пре участвованє тимох виглєдовачох зоз розличних наукових дисциплинох у интердисциплинарних виглєдованьох. Шицко тото уплївює и на злєпшованє позициї Универзитета у Новим Садзе на медзенародних ранґ лїстинох универзитета през препознаванє його потенцияла за науково-виглєдовацку дїялносц.
ОБРАЗОВНИ И ВИГЛЄДОВАЦКИ ПРОЄКТИ НА УНС
Дзекуюци своєй вецейрочней присутносци на наукововиглєдовацкей сцени, як и активносцом наставнїкох и виглєдовачох Универзитета у Новим Садзе, Универзитет ше позиционирал як реномирани учашнїк националних и медзинародних образовних и виглєдовацких проєктох, участвуюци при нїх и як координатор и як партнерска институция. Проєктни активносци Универзитета потримани у рамикох розличних медзинародних и европских програмох, як цо то Еразмус+, Хоризонт, Темпус, COST и други.
Попри медзинародних проєктох, Универзитет, факултети и институти у його составе активно участвую и у домашнїх проєктох хтори финансую Министерство просвити Републики Сербиї, Фонд за науку Републики Сербиї, Покраїнски секретарият за високе образованє и наукововиглєдовацку дїялносц, Покраїнски секретарият за финансиї Автономней Покраїни Войводини и други институциї.
Зоз цильом обезпечованя континуираного розвою науково-виглєдовацкей дїялносци, Универзитет у Новим Садзе заклада ше за активне участвованє наставнїкох, сотруднїкох и виглєдовачох Универзитета у ришованю важних виглєдовацких проблемох у националних и медзинародних рамикох, през активне участвованє у наукових проєктох.
Универзитет у Новим Садзе
Др Зорана Дїндїча 1
21102 Нови Сад, Сербия
Виробок сайту на руским язику потримал Покраїнски секретарият за образованє, предписаня, управу и национални меншини ‑ национални заєднїци.