Универзитет у Новим Садзе обезпечує упис на студиї на шицки три ступнї високого образованя на основи ровноправносци и на основи явного конкурса, у складзе зоз законом, зоз тим Статутом и зоз общима актами хтори принєшени на основи Статута.
УПИС НА СТУДИЇ УНС-А
Универзитет у Новим Садзе обезпечує упис на студиї на шицки три ступнї високого образованя на основи ровноправносци и на основи явного конкурса, у складзе зоз законом, зоз тим Статутом и зоз общима актами хтори принєшени на основи Статута.
Кандидати ше уписую на одредзени акредитовани студийни програми хтори реализує Универзитет або високошколска єдинка на основи ранґ лїстини хтора ше формує у складзе зоз резултатами хтори посцигнути у предходно здобутим стреднїм образованю у штиророчним тирваню, успиха на общей, односно фаховей матури, резултату испита за преверйованє знаня, односно склоносцох и схопносцох и по потреби на основи успиха на националних и интернационалних змаганьох, у складзе зоз законом и зоз общим актом високошколскей єдинки.
Число студентох за упис до першого року студийней програми хтори ше финансує зоз буджета, за Универзитет, односно високошколску єдинку, утвердзує Покраїнска влада, найпознєйше мешац днї пред розписованьом конкурса за упис студентох.
Одлуку о розписованю конкурса за упис на студиї приноши Сенат, по правилу найпознєйше по 25. април за наступни школски рок на предклад наставно-науковей ради високошколскей єдинки и програмских радох, односно других фахових орґанох, за интердисциплинарни студиї хтори нєпоштредно реализує Универзитет.
Конкурс ма у своїм змисту:
- число студентох за кажду студийну програму хтора ше реализує на Универзитету, односно високошколскей єдиники;
- условия за конкурованє;
- условия за упис;
- мерадла за утвердзованє рядошлїду кандидатох;
- поступок запровадзаня конкурса;
- способ и термини за подношенє жалби на утвердзени рядошлїд;
- суму школарини хтору плаца студенти чийо ше студиранє нє финансує зоз буджета.
ПРИЄМНИ ИСПИТИ
Перши ступень студийох
Кандидат хтори конкурує за упис на перши рок основних и интеґрисаних студийох поклада приємни испит, односно испит за преверйованє склоносцох и схопносцох у складзе зоз общим актом хтори приноши Сенат, окрем кандидата хтори ма положену общу матуру, у складзе зоз законом. Рядошлїд кандидатох за упис на перши рок основних и интеґрисаних студийох утвердзує ше на основи общого успиху хтори посцигнути у стреднїм образованю и резултатох хтори посцигнути на приємним испиту, односно испиту за преверйованє склоносцох и схопносцох спрам мерадлох хтори утвердзени зоз общим актом хтори приноши Сенат. Детальни информациї о способу и терминох покладаня приємних испитох на факултетох состойна часц конкурса за упис на перши рок основних и интеґрисаних студийох.
Други и треци ступень студийох
Упис на перши рок мастер, специялистичних и дохторских студийох може ше условиц зоз предходно положеним приємним испитом, односно зоз испитом за преверйованє склоносцох и схопносцох. Детальни информациї о способу и терминох покладаня приємних испитох на факултетох состойна часц конкурса за упис на перши рок мастер, специялистичних и дохторских студийох.
Универзитет у Новим Садзе
Др Зорана Дїндїча 1
21102 Нови Сад, Сербия
Виробок сайту на руским язику потримал Покраїнски секретарият за образованє, предписаня, управу и национални меншини ‑ национални заєднїци.